Mañariko jubilatuek elkartzeko hitzordua edukiko dute otsailaren 12an. Jubilatuen elkarteak txokolatada antolatu du egun horretarako,inauteriak direla kontuan hartuta. Herriko Tabernan izango da ospakizuna, 18:00etatik aurrera.
Azaldu dutenez, tabernan bertan eman behar dute izena interesdunek. Ogitartekoa, txokolatea eta ardoa eskainiko dizkiete, eta ordainetan 6,5 euro ipini beharko ditu bakoitzak.
Bestalde, astelehenean Santa Ageda koplak abesten irtengo dute hainbat herritarrek 09:00etan. Batutako dirua Korrikaren kilometro bat erosteko izango da, martxoan Mañaritik pasatuko da-eta.