Kirol ikastaroetan Durangaldean dabiltzanek ere edukiko dute aukera laguntza eskatzeko.
Euskara ikasteagatik eta eta kirola praktikatzeagatik ematen dituen diru-laguntzak aldatu ditu udalak. Ordenantza berritu dute, "Mañariko biztanleen artean euskara ikasteko zein kirola egiteko grina pizteko" Orain artean, euskaltegiko eta Hizkuntza Eskola Ofizialeko euskara ikasleek %30eko diru-laguntza zeukaten, eta hemendik aurrera %80koa edukiko dute. Barnetegietan zebiltzanek ez zuten ekarpenik jasotzen, eta arautegi berriari eskerrak %30eko laguntza eskuratu ahal izango dute.
Kirol ikastaroen kasuan, Durango Kirolak-en (Durangoko Udal Kirol Erakundea zena) izena emanda zutenek jaso zezaketen laguntza. Durangaldeko gainontzeko udalerrietan dabiltzanek ere eskubide bera edukiko dute.
Laguntzak jasotzeko %80ko asistentzia bermatu beharko dute herritarrek.