Eusko Jaurlaritzako gobernu batzordeak Zallobenta harrobiari, \'ondareari eragindako kalteagatik\' , 9,2 milioi euroko kalte ordaina ordaintzea erabaki du. Aralarrek \'onartezina\' deritzo erabaki horri.
Dani Maeztu Aralarreko legebiltzarkidearen berbetan, "ezin da ulertu ondarean eragindako kalte ordaina ordaindu behar izatea herritar gutzion diruagaz; are gutxiago, Auzitegi Gorenaren sententzia batek esaten duenean enpresak esplotaziorako eskubiderik ez zuela harrobia ustiatzeko". Maeztuk ez du ulertzen egoera horretara heltzea, "are gehiago, jakina denean esplotazio ezkubiderik ez zuela dioen epaia dagoenean; Urkiolako parke naturalaren inguruan harrobia ustiatzen ari zenean".
Maeztuk azpimarratu du "ardura politikoa" argitu beharra dagoela, "ez daitekeelako ulertu egoera horretara heldu izana". Horregaitik, Jaurlaritzari eskatu dio Legebiltzarrean argitu dezala zer gertatu den: "erantzukizun politikoa dagoela uste dugulako; eta ez dugu baztertzen erantzukin teknikoa ere egotea".
Aralarrek 2009an egindako ekimen baten ondotik Legebiltzarrak "harrobia bere onera ekartzeko proiektua aurkeztu zezala" eskatu zion Jaurlaritzari, Aralarrek gogoratu duenez: "Hori 2009ko irailaren 23ko bilkuran izan zen, eta harrezkero itxaroten jarraitzen dugu, hiru bider eskatu arren". Nabarmendu dutenez, "orain, berriz,ondare erantzukizuna onartzera heldu da administrazioa, enpresak ustiaketa baimena ez zuela dioen epaiaren gainetik; erabat ulertezina", salatu dute.