Urrian hastekoak ziren Urkuleta auzoko ur-hornikuntza sarean egin beharreko lanak datorren hilera atzeratu dituzte. Azken urteetan, uda sasoian zein urteko beste sasoi batzuetan, auzoko biltegian ur emari nahikorik ez dagoela-eta ur hornikuntzaren arazoari irtenbidea emateko eskatu zioten auzotarrek Udalari.
Osotara, 337.127 euroko aurrekontua daukaten lanekin, herrian dagoen Mendiburuko ur biltegitik Urkuleta auzoan egingo duten ur-biltegira eroango dute ura, eta bigarren biltegi horrek hornituko ditu auzoko baserriak. Datozen asteetan hasi eta urtea amaitu orduko amaitu gura dituzte Urkuletako lanak.