Elkar mugituz egingo dugu lelopean, Euskaraldiaren beste edizio bat egingo da maiatzaren 15etik 25era bitartean. Berau antolatzeko eta motorrak berotzen joateko, Mallabian Herri Batzordea eratu dute. Herri Batzorde honek dagoeneko badu hurrengo batzarrerako hitzordua: datorren eguenean, martxoak 6, 19:00etan, Mallabiko liburutegian. Herri Batzordeko kideek bertan parte hartzeko deia egin diete mallabitarrei.
Martxoaren 6ko batzordean, Mallabiko Euskaraldiko hamaikakoaren zerrenda egitea, arigunearen sustapena egitea eta Euskaraldiko hamaika egunak antolatzea izango dela helburua azaldu dute antolatzaileek.