Korrikaren inguruko aurkezpena egingo dute, gaur, Mallabiko Kontzejuzarrean

21. Korrika gero eta gertuago dago eta Mallabian motorrak berotzen dabiltza egun horri begira.

Gaur, 18:30ean, herritarren aurreko aurkezpena egingo dute Kontzejuzarrean, Mallabiko Korrika Batzordeak antolatuta, eta herrian egingo dituzten ekintzak azalduko dituzte. Mallabiko ume musikariek emanaldia eskainiko dute, kilometroa erosi dutenekin familia argazkia aterako dute eta Photo Call bat egongo da. Luntx bat ere prestatuko dute bertaratzen diren denentzat. Korrika 21 apirilaren 13an igaroko da Mallabitik. Aurreko egunean Korrika Txikia egingo dute.

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.