Euskaraldiko hamaikakoa aurkeztuko dute gaur Mallabiko plazan

Joseba Derteano 2018ko uzt. 13a, 11:00

Hizkuntza ohiturak astintzeko eta ohiko harremanetan euskara gehiago erabiltzeko helburu duen Euskaraldia ekimena herriz herri gorpuzten ari da. Mallabian Euskaraldiko hamaikakoa aurkeztuko dute gaur, 19:00etan, plazan.

Hainbat alorretako (elkarte, merkatari, ostalari…) 11 lagunek Euskaraldia sustatzen eta herritarrak ekimenean parte hartzera gonbidatzen jardungo dute. Ekimena hurreratzen doan heinean, Euskaraldiaren aldeko sare zabala sortzea da helburua.

Euskaraldia azaroaren 23tik abenduaren 3ra izango da Mallabian zein Euskal Herriko herri askotan. 11 egunez hizkuntza ohiturak aldatzeko erronka hartuko dute.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!