Mallabiko Mendibil abesbatzak Santa Ageda koplak abestu zituen, baserriz baserri, joan zen otsailaren 4an. Orduan batutako dirua elkartearentzako gorde beharrean, Intxaurrondo Gastronomia Elkarteak daukan Zaporeak proiektura bideratuko dutela jakinarazi dute asteon.
Zaporeak proiektuak beharrean daudenei laguntzea du helburu, gastronomiatik abiatuta. Esaterako, gerratik ihesi Greziara heltzen diren errefuxiatuei laguntzeko Zapore Solidarioak izeneko proiektua dute.