Orain 25 urte Arietzu mendi taldea sortu zuten Mallabian. Hamarkada bat inguruko ibilbiodearen ostean desagertu egin zen, baina herritar batzuk, efemerideagaz ohartuta, urteurrena ospatzeko eta mendi taldea gogoratzeko mendi martxa antolatu zuten joan zen domekan.
Mendi taldeak izena hartzen zuen Arietzu mendira joan ziren. Mallabiko plazatik irtenda 15 eta 6.5 kilometroko ibilbide bana antolatu zituzten.
Eguerdian Zengotita auzoan jarritako anoa-postuan elkartu ziren eta handik aurrerako bidea elkarrekin egin zuten. Goian familia argazkia atera zuten martxan parte hartu zuten 30 bat mallabitarrek. Jan-edana ere izan bertaratu ziren denentzako. Arietzu tontorrean mendi taldearen lehenengo urteurrena gogoratzen duen plaka bat dago.