Ekimen horri bultzada eman guran, herriko Berbalagunek afaria antolatuko dute Izar Gorri elkartean eguenerako, otsailaren 2rako. Berbafari berezia izango da, Mallabiko Korrika antolatzeko baliatuko dutelako. Hitzordua 21:00etan jarri dute. Euskaraz berba eginez disfrutatzea eta korrikako egitaraua antolatzea da ekimenaren helburua. Antolatzaileek diotenez, Berbalagunkideak eta interesa duten gainontzeko mallabitarrak gonbidatuta daude.