Zapatu goizean, berriz, duatloi txikia jokatuko dute 11:00etan, eta ardo feria egingo dute 12:00etan. Arratsaldean, litxarreria tailerra prestatu dute umeentzat.
Zapatu gauean izango da jaien kontzertu nagusia. 22:30etik aurrera musikari ezagunak igoko dira Mallabiko taula gainera. The Bon Scott Band, Vendetta eta DJ Bull gonbidatu dituzte urriko jaietara.
Domekan, 17:00etan, Tomasen abenturak pailazoak egongo dira frontoian umeen gozamenerako. Karta-jokoa gogoko dutenek, aldiz, mus txapelketa izango dute aukeran Kontzejuzarrean. Amaitzeko, 18:30ean, txokolatea banatuko dute plazara bertaratzen direnen artean.