Lan guztiak auzolanean gauzatzen dituzte. Normalean, baserri bakoitzetik goitar batek du auzolanera joateko beharra. Bestela, multa jartzen dute. Domekan auzolanean, ermita garbitzeaz gain, horma pikatu eta margotu, inguruan barreiaturiko egurrak jaso, belarrak garbitu, auzotarren lurrak banatzeko mugarriak jarri, eta aspaldi aurkituriko hilarri batzuk egoki zigilatu beharko dituzte.
Aurtengo ordezkariak, Idoia Zenikazelaiak, Ibon Gaztañazpi aurkezlearen laguntza jasoko du. Auzotarrek ere lagunduko dute. Horretarako, baserrietatik sastraka kentzeko makina, sega, borra eta traktoreak ekarriko dituzte. Boliña ere han izango da, hondeamakinagaz lana errazten. Programaren arduradunek azaldu dutenez, “eguraldiak, hala ere, ez dizkie goitarrei gauzak erraz jarriko. Egindako lanaren sari gisa, ordea, bazkari ederraz gozatuko dute auzo-lagunek, eta baita Ibonek eramango dien sorpresatxoaz ere”.