Urteetan, pilotalekuko harmailetan dagoen berotze sistematik atzeko aldean dagoen fitness eremura joaten zen beroa. “Erregailuetako beroak ihes egiten zuen pilotalekutik, eta toldoak ezarrita epelago egongo dira harmailak“, adierazi du Mallabiko Igor Agirre alkateak.Bi eremuak banatuta, eremu osoaren erdia baino ez da berotu behar izango. “Frontoiko harmailetan dauden pertsonak erosoago egoteko egindako egitura da, hotz handia egiten baitu bertan, batez ere neguan”, adierazi du Agirrek.
Bizikleten garbitokia
Bestalde, Mallabiko udaletxearen atzeko aldean bizikletak garbitzeko azpiegitura bat eraikitzen dabiltza. “Egitura honekin, menditik datozen txirrindulariek bizikleta garbitzeko aukera izango dute”, dio Agirre alkateak. Datorren asterako martxan egongo dela adierazi dute Mallabiko Udaletik. Frontoiaren estaldurarekin batera, bi egitura hauek aurrera eramateko aurrekontua badagoela ere adierazi dute.