Emanaldia 19:00etan izango da, herriko elizan. Antolatzaileek azaldu dutenez, ekitaldia bukatu ostean, kantupoteoa egongo da Otxandioko kaleetan zehar, giroa berotzeko.
Bestalde, ekainean, Arratiako Arantzazura ere antolatu du irteera Jasokunde abesbatzak. “Ekainaren 30ean, 19:00etan, Arantzazun izango gara”, adierazi du Leire Uribelarrea koruko kideak. Kontzertua bi zatitan egongo da banatuta, sakroa aurrenik, eta folklorea ondoren.
Mendibil abesbatzak ere bere elkartrukea izango du uda aurretik, ekainaren 18an, zapatuan, Urduñara joango baita kantuan.