Brigadaren pabilioiaz gainera, urtarrilean udalak beste lapurreta batek eragindako gastuei aurre egin behar izan zien. Izan ere, Mallabiko auzoetan kokatuta dauden 22 eguzki-farolatako bateriak lapurtu zituzten. Mallegoin, Areition, Longan, Trabakuan, Gerean eta Beranotxikin egin zituzten lapurretok. Farola bakoitzaren kostua 500 euro ingurukoa izan zen. Lapurretak ez ziren egun berean gertatu, apurka-apurka egin zituzten. Orain, udalak eraginkortasun energetikoaren inguruko ikerketa egingo du zein neurri hartu erabakitzeko.