Pasa den astean euriaren ondorioz sortutako lur-jausiek kalte larriak sortu dituzte Mallabian. Herritik Osmara bitartean doan errepidetik Mallabiabarrena poligonorarte dagoen 500 metroko eremua isolatuta gelditu da.
Mallabiko Igor Agirre alkateak, geologoen analiaren ostean Bizkaiko Foru Aldundiari eta ur partzuergoari laguntza eskatu die egoera ahalik eta azkarren konpontzeko. Eremuan mugitu diren 300.000 metro kubiko lurrei irtenbidea ematea dute helburu. Urak mugiarazi dituen materialak errekaren bidea jarraitu dute, eta kalte handiagoak sor ditzakete. Hori dela eta irtenbide ezberdinak aztertzen dabiltza.