Urriaren 23an, ostirala, umeentzako tailerren eta buruhandien ostean, txupinazoa jaurtita ekingo diete jaiei. Elizpeko pilota txapelketako finalaren ostean, oilasko pintxoak banatuko dituzte. Ondoren, Beñat Ugartetxea eta Odei Barroso bertsolariekin tabernarik taberna joango dira. Gaua Basajaunen erromeria doinuekin amaituko dute Mallabian. Urriaren 24an, berriz, areto-futbol eta nesken frontenis partiduez gainera, erreskateko txakurren erakustaldia eta Pepa eta Kutxo pailazoak izango dira. Jaietako ekitaldi nagusietako bat gaueko kontzertua izango da. PAM, Hesian, Reincidentes eta DJ Bull izango dira taula gainean.
Urriaren 25ean amaituko dira jaiak. Pilota eta areto-futbol partiduak, Txan Magoa, Zaldibarko Euskal Liga eta txokolada izango dira eguneko hitzorduak.