Eskola umeak oporretan zeudela aprobetxatuz, hainbat hobekuntza lan egin dituzte Mallabiko eskolan. Alde batetik, teilatuko itoginak konpondu dituzte. Era berean, itoginek geletako hormetan kalteak eragin dituztenez, horma horiek margotu egin dituzte. Frontoiko egitura eta frontoia bera ere margotu dituzte.
Bestalde, irisgarritasunerako neurriak ere hartu dituzte. Izan ere, eskolaren sarreran arrapala eraiki dute.
Horrela, udako lanak amaituta, Mallabiko eskolan dena prest dago, datorren irailaren 8an herriko eskola umeek ikasturte berriari hasiera emateko.