Konposta atera eta banatu ondoren, Mallabiko ortu ekologikoetara bisita egiteko eta zelan funtzionatzen duten azaltzeko aprobetxatuko dutela adierazi du Mila Mondragon alkateak.
Alkateak gaineratu duenez, etxeko hondakinen %40 materia organikoa da. Auzoetan eta herrigunean auzokonposta egin, eta konposta herrian bertan kudeatzea eta berrerabiltzea da egitasmoaren helburua. “Betidanik modu naturalean egin dena egiteko aukera eskaintzen ari gara herritarrentzat. Ingurumenari kalte egin beharrean, ongarria itzultzen zaie”, azaldu du Mondragonek.