Ordutegia, 14:30etik 15:45era izango da. Loredi Salegi Gizarte Arloko arduradunak azaldu duenez, ikastaroan parte hartuko duten emakumeek eurek aukeratu dute ordutegi hori, baita tailerrean landuko den gaia ere. Nahikari emakume elkarteko kideez gainera, interesa duen beste edozein herritarrek eman dezake izena udaletxean edo kultur etxean.
Emakumeen ahalduntzea du helburu tailerrak. Salegik gaineratu duenez, aurreko ikastaroa gatazkak konpontzera bideratu zuten, eta ildo horretatik, “arazoei aurre egiteko autoestimua osagai garrantzitsua da”.