Mallabiko Udalak langile bat kontratatuko du Enplegu Planaren bidez. Beharginaren eginkizuna auzo-konpost guneetan eta ortu ekologikoetan laguntzea izango da. Gainera, udaleko brigadari ere laguntza eskainiko dio. Sei hilabeterako kontratua izango du. Soldataren erdia Lanbidek ordainduko dio eta beste erdia Mallabiko Udalak. Kontratazioa Urkiola Landa Garapenaren bitartez egingo dutela azaldu du Mila Mondragon Mallabiko alkateak. Mallabiak Ermuagaz batera hartu du parte planean.