Mallabiko Udalak bilera sorta antolatu du, hondakin ontzien kokapen berriari eta autokonpostari buruz auzoetako herritarrek duten iritzia ezagutu guran. Ildo horretan, auzoetako batzarren deialdiak jakinarazi dituzte. Martxoaren 17an Gerea-Longa auzoetako bizilagunekin bilera deitu dute, auzoko elkartean, arratsaldeko 19:00etan.
Goitako auzokideen txanda izango da martxoaren 19an, Zumarra elkartean, 19:00etan. Areitioko bizilagunen batzarra martxoaren 24an izango da, kultur etxean, 19:00etan. Azken batzarra Berano eta Arandoño auzoetako bizilagunekin egingo dute: martxoaren 26an dute hitzordua, Artixeko elkartean, 19:00etan.