Euskaldun zaharrek euskara ikasten dabiltzanekin lotura izatea garrantzitsua dela diote euskaltegiko arduradunek: "Erdaraz hitz egiten diozun pertsona hori euskara ikasten ahalegintzen dabilela eta gai dela erakusteko aukera bat da". Duela hilabete ekin zioten proiektuari, eta gaur laugarren hitzordua izango dute. 18:30etik 19:30era batzen dira jubilatuen egoitza aurreko plazan. Umeek jolasten duten bitartean, gurasoek eta gainerako parte-hartzaileek berba egiteko aukera izaten dute. "Umeek ere ikusten dute lagunaren gurasoak gai direla euskaraz berba egiteko".