Kultur Hamabostaldiaren bigarren asteburuan, Mendibil eta Jasokunde abesbatzek Ermuko Pispilu eta Alboka musika eskolako bandagaz kontzertua eskainiko dute elizan, gaur, 20:30ean.
Ondoren, Gaizka Arangurenek (Ernai elkartea) Identitario kolektiboa berbaldia eskainiko du. Zapaturako, mendi lasterketa herrikoia, bazkari autogestionatua, Txan magoaren emanaldia eta truke azoka prestatu dituzte.
Domekako azokan 13 postu ipiniko dituzte frontoian: Mallabiko baserritarrenak sei eta artisauenak hiru. Mallabitik kanpoko ekoizleak ere etorriko dira. Parkean, herriko animalien erakusketa izango da. 13:00etan argazki digitalen lehiaketako sariak banatuko dituzte. Orraittiok txosna jarriko du frontoian.