Areitio auzoko jaiak datorren martitzenean abiatuko dituzte. Arratsaldeko 20:00etan, donien atxa apiniko dute, eta kanpaiak jo eta txapliguak jaurtiko dituzte. Ondoren, Goizeder jatetxean afaritarako batuko dira.
Eguaztenean, meza izango da 11:00etan. Ostean, Mallabiko trikitilariek giroa alaituko dute. Mallabiko dantza taldeak, berriz, erakustaldia eskainiko du. 12:30ean gizon probetan jardungo dute Iñigo Aurrekoetxeak (Euskal Herriko txapelduna 80 kilotan), Gorka de la Concepciónek eta Aitor de la Concepciónek 500 kiloko harriagaz. Arratsaldeko 17:30ean, asto probetan Txibiter (Azkoitia), Vitorio Celaya (Eibar), Goizeder jatetxea (Mallabia) eta Lupiortu Goikoa (Erandio) ariko dira.