47 enpresa komite, eragile, elkarte eta udalek manifestazioarekin bat egin dute Mallabia eta Ermua Bizirik-ek manifestaziorako deia egin dute zapaturako.
Protesta ekitaldia Ermuko plazatik abiatuko da, zapatuan, arratsaldeko 17:00etan. Mallabia eta Ermuko 47 enpresa komite, eragile, elkarte eta udalek deialdiagaz bat egin dute. Tartean, honako hauek: Mallabiko eta Ermuko udalak, Izargorri elkartea, Mendibil eta Jasokunde abesbatzak, Mallabiko Ernai Gazteak, Mecanicas Mallabi, LAB USA, WAT Direcciones, CCOO CNC LAN, Replatisa, LAB IDESA, CCOO IMIGAS, CGT-DEPRESA, DMETAL eta LAB Osakidetza daude.
Mallabian eta Ermuan krisiak gogor eragin du. Bi herrietako langabezia-tasa azken zazpi urteetan hirukoiztu egin dela gogorarzi dute manifestazioaren deitzaileek: “Krisiak ekarri diguna bazterkeria soziala, inposaketa eta pobrezia da, eta gainera, orain arte ere kaltetuenak izan direnengan: gazteria, langabetuak, jubilatuak, langileak...”. Gaineratu dutenez, “herrian ditugun gatazkei aurre egiteko indarrak batzeko garaia da”. Lan erreformak, desjabetzeak, LOMCE legea, koordainketa osasunean, Mendekotasun Legearen garapena etetea eta beste hainbat ekimen kritikatu dituzte.