Mallabiko kultur eta kirol elkarte guztiek, hainbat herritarrekin eta udalagaz bat eginez, Sartagudako (Nafarroa) Ibaialde ikastolaren aldeko Elkartasun Eguna antolatu dute martxoaren 24rako.
Eguneko ekitaldi nagusia herri bazkaria izango da, eta bertan parte hartzera deitu dute. Izena eman daiteke Kultur Etxean eta tabernetan. Bazkari ostekoa herri kantekin girotuko dute. Bitartean, ekitaldian parte hartzen duten haurrek Ibaialde ikastolako ikasleei oparitzeko horma irudia margotuko dute.
Egitaraurako, tailerrak, jolasak, tonbola, bertso-poteoa, herri-kirolak eta kontzertuak prestatu dituzte.