Donien atxa jasota, barikuan hasiko dituzte Gerea auzoan Adrian Deunaren jaiak. Gerea bertako auzokideak dira jaietako antolatzaileak.
Zapatuan, 16:30ean, txokolate-jana prestatu dute auzoko umeentzat, eta, 18:00etan, briska txapelketari ekingo diote. Irabazleak 100 euro jasoko ditu.
Domekan egingo dituzte ekitaldirik garrantzitsuenak. 11:00etako mezaren ondoren, Mallabiko Gazte-Alai dantza taldeak hainbat dantza eskainiko ditu. Ondoren, Beñat Ugartetxeak eta Etxahun Lekuek bertso saioa eskainiko dute. Eguerdian herri -kirolekin gozatzeko aukera egongo da: Karmele eta Maider trontzan eta, Jon, Izeta III.a eta Ureta harrijasotzen ibiliko dira.
Jaiei amaiera eman aurretik, 18:00etan, asto probak ikusteko aukera egongo da Zubi-Barri, Arta-Beitti, Goizeder eta Maioraren eskutik.