Santo Tomas Festa Barnetegian: Tradizioa eta Esker Ona
Urtea amaitzear dagoen honetan, neguko festarik kuttunenetako bat ospatu dugu barnetegian: Santo Tomas eguna. Euskal Herriko herri askotan bezala, gurean ere baserriko giroa, usain gozoak eta lagunarteko hurbiltasuna izan dira nagusi. Egun hau ez da jan-edan huts bat izan; ikasle, irakasle eta langileon arteko loturak estutzeko aukera paregabea baizik. Mahaian ez da ezer falta izan: talo eskuz eginak eta plantxan txigortuak; txorizo eta odoloste gozoak, neguko hotzari aurre egiteko indar berritzailea eman digutenak; eta hori guztia bustitzeko, sagardo ederra, topa egin eta urteari agur esateko modu hoberena.
Esker mezua: Eba eta Marian
Baina guzti hau ez litzateke posible izango sukaldean daukagun altxorrarengatik ez balitz. Eskerrik asko bihotz-bihotzez Eba eta Mariani! Gure sukaldariek goizean goizetik egin dute lan gogorra dena prest egon dadin. Eskerrik asko erakutsi duzuen arretagatik, zuen profesionaltasunagatik eta, batez ere, plater bakoitzari gehitu diozuen maitasunagatik!
Egun honek gogorarazi digu barnetegia euskara ikasteko leku bat baino gehiago dela; familia handi bat dela, non tradizioek eta elkarbizitzak garrantzi berezia duten.
Gora Santo Tomas eta on egin guztioi!
EGIN ZAITEZ KIDE!