Eta heldu da azkenean, maiatzak 14 aurten, eta hemen gaude berriro Zegamako plazan, nire 13. Zegama-Aizkorri korritzeko prest. Euria ari du, bota eta bota, eta abisu horia piztu ei dute gaurko. Gu 42 kilometro mendian zehar egiteko prestu gaude, eta Aizkorri aldera begira gaude, baina Aizkorri ez da ikusi ere egiten. Aizkorriko gailurreko tarterik harritsuena eta teknikoena kentzea erabaki dute antolatzaileek. Ondo harturiko erabakia, korrikalarion, ikusleen eta antolakuntzakoen segurtasuna kontuan hartuta. Urduri gaude irteeran, pozik. Euria eta hotza dira nagusi, baina Zegama jendez lepo dago. Harrigarria!
9:00etako kanpaiak! Bagoaz! Aspaldiko Zegamarik gogorrena eta ederrena niretzat. Aurten sufritu egin dut hotzarekin, baina ikusleen animoek ikaragarri berotu naute. Benetan da eskertzekoa ibilbidean egon den jendetza! Egin duen hotzarekin! Bota dituen txingorraldiekin! Korrikalarioi meritua dugula esaten digute, baina han egon egin behar da ikusten eta animatzen! Zuek bai meritua zuek!
Zorionez ez dugu erorikorik eta ezer txarrik izan eta heldu gara, osorik, helmugara. Pozarren nago eginiko lasterketarekin eta bizi izan dudanarekin. Datorren urtean berriro bueltatuko gara Zegamara!