Harrezkero, eta urteen poderioz ikasi egin dut IKURRA dela berez garrantzitsua. Bere itxuraren gainetik duen balioa. Azalekoak baino barrukoak daukala inportantzia. Baina, asko daukat oraindik ikasteko itxura baten; nire desilusioak ez baitu atsedenik aurkitu. Adibideak hainbeste dira ze, zutabe honek ez lukeen nahiko tokirik izango.
Berriz ilusionatzea beharrezkoa da aurrera jarraitzeko. Mundu zabaleko desilusioei, min handiei, txikitik eraginda. Txikia noiz edo noiz handi egingo den esperantzagaz. Nire ingurukoak dira erreferenteak niretzat. Horiek dira nire ikurrak. Egunerokoan eta hurbilean mamia aurkitzea benetakoagoa da. Portzierto, Gernikako arbola eta biok aurkitu dugu elkar ulertzeko modua.