anboto.org

‘Lagunartekotik’ ofizialera

Erabiltzailearen aurpegia   Iritzia

San Antolin feria bukatuta eta San Mateoen esperoan, atzo jada aurkezpena eginda, esan liteke udako partiduak alde batera ixtekotan direla eskuzko pilotari bizkaitar nabarmenenak. Lau t’erdikoa, binakakoa,…buruan izango dituzte jada Urrutikoetxeak, Elezkano II.ak, Larunbek eta konpainiak.

Gure pilotari profesionalak forman daude eta hori nabarmendu da Lekeition. Urrutikoetxea izan da beste behin nabarmenena, baina beste biek ere oso maila ona eman dute. Mikelek beste konpromiso handi bat du Logroñon, Irribarriarekin bikote, baina orain arteko bere lanak bikainak izan dira. Horrez gain, poztekoa baita ere Aretxabaleta berriz kantxan ikustea, Ibai Zabala irribarrez eta motibazioz beste ebakuntza baten ostean, Elordi maila onean aritzea,….

Dena den, udazkenerako bide honetan pilotari bizkaitar amateurrak ere aipatu nahi ditut, Durangaldekoak asko. ‘Desafio’ berezi bat dute bihar bertan hasita. Lehen aldiz bote luzea jokamoldean lehiatuko dira. Euskal pilotako joko zuzen antzinakoena berreskuratzekotan ari da euskal federazioa eta Euskal Herriko txapelketaren II. edizioa jarri du abian. Euskadiko txapela dute helburu.

Bizkaiko ezker hormako txapelketa ere asteburuan hasiko da, eta, laster, banakako Baque txapelketa ere (ia osorik Iurretan), eta bertan Durangaldeko pilotari ugari. Denei zorterik onena denboraldi hasiera honetan.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa