Pilota pixka bat barruragotik ezagutzen duenarentzat, ordea, trinkete jokoa ez da arrotza izango, ez horrenbeste behintzat. Iparraldean maila gorena duen euskal pilotak azken urteetan bidea egin du Bizkaian, batik bat Abadiñoko Tornosolo trinketea egoitza nagusitzat hartuta.
Hori esanda, aipatzekoa da bertako pilotari zenbaitek (Gonzalez, Uriarte, Antxia…) Bidasoaz bestaldeko pilotari handienekin batera lehiatzeko bidea egina dutela. Eta horien atzetik dabiltzanek bidea egiteko bitartekoak jarrita daudela ikusteko aukera daukatela ere bai. Eta txikienentzat ere ezker hormaz aparte beste bide bat egiteko aukera ere badagoela. Alegia, pilotan murgildu nahi duenarentzat biderik badela, eta ez bakarra. Apurka bidea egiten gabiltza, hain gustuko dugun kirolean ate berriak zabalduz, bide berriak eraikiz...
Horren lekuko da asteon jokoan den eta asteburu honetan jokatuko den San Trokaz Txapelketa.