Ez ete da neu edo neuk…?

. Horrek berba larregi egiten jok! -Ez ete naz neu erdi mutua?

. Horrek berbarik be ez jok egiten! -Ez ete naz neu berbalapiko eta barritsuegia?

. Horrek arrapaladan egiten jok berba! -Ez ete naz neu totela edo geldiroegi egiten dauena?

. Horri ez jakok entzun be egiten! -Ez ete da gortzen hasi nazela?

. Horrek ez jozak gauzak argi esaten, ez idazten! -Ez ete da ez nazala neu argiegia berari ulertzeko?

. Horren barregarrikeriak bai direla gero zentzunbakoak! -Ez ete naz neu umorea zer dan ere ez dakiana?

. Oraingo abestiak bai direla traketsak! -Ez ete naz neu oraingo musikan ezjakina?

. Lehengo musikak lo eragiten jok! -Ez ete daukat neuk musika gozamena landu barik?

. Hori dok janari higuingarria! -Ez ete da ez dakidala jaten edo mizkina nazela?

. Hori dok gauzaren korapilotsua! -Ez ete da ez dakidala ondo zehazten eta neurtzen?

. Horreek dana oker egiten joek! -Nire iritziak eta neurgailuak ez ete dagoz okertuta?

. Oraingo gazteok…! -Ez ete da burua ere zahartu egin jatala eta ez nazala gai eurena ulertzeko?

. Honeek agure zaharrok…! -Ez ete da ez dodala irekitasunik ez eskarmenturik eurena ulertzeko?

. Horreek, hareek, besteak edo besteek… -Ez ete da neu edo neuk…?