Federazioan klubak, jokalariak, entrenatzaileak eta zergatik ez, epaileak ordezkatu eta defendatuko dituen ahots bakar bat izateko bidean lehen pausu garrantzitsua da kluben arteko batasun hori.
Federazioetako batzarrak areto futbolari ematen zaion garrantzia eskasaren adibide argia dira. Batzar horietan apenas egiten da berbarik gure kirolari buruz. Futboleko pariak bagina moduan sentitzen gara, mespretxatuta. Munduko ligarik garrantzitsuenetako batean gaudela ahazten zaie.
Beraz, gure interes amankomunak defendatzeko behar moduan erabilita eta nork bere interesetan erabiltzeko tentazioan erori gabe, aurrera egin dezala sortu berri zen batzordeak.
Momentuz, WhatsApp talde bat sortu da, batzarra deitzeko, informatzeko, lagunarteko partiduak adosteko zein mediku hitzorduetarako eskaeretan laguntzeko (azken hau gai lotsagarria da eta zutabe oso bat merezi du) erabiltzen dena. Egia esanda oso ondo funtzionatzen ari da eta tresna erabilgarria bihurtu da. Baina, momentuz, barne erabilpenetarako bakarrik. Pausu bat aurrera eman eta batzordea federaziorako baliozko bitartekari bihurtu dadin borrokatzeko unea da.
* Erredakzioan itzulia