Tituludunak falta dira, eta klubei kostua suposatzen die. Horrek eraginda, azken urteetan Euskal Liga eta Hirugarren Maila hankamotz daude hamahiruna taldegaz (hamabi Hirugarren Mailan, oraintsu Ermua taldea desagertu ostean). Orain urte gutxi, Durangaldean Abadiñoko Lagun ere desagertu egin zen.
Klubetako ordezkariek entrenatzaile ikastaroak antolatzea izan daiteke irtenbide bat, baina, kostu ekonomikoaz gainera, denbora da oztopo nagusia, eskolek eta joan-etorriek hartzen duten denbora. Aurten, Euskadiko federazioak Euskal Ligarako eskakizun maila monitore titulura jaitsi du, eta erabaki zuzena izan da; Entrenatzaile Eskolak, bestalde, monitore ikastaroak eskaini ditu Gabonetan, eta bete-betean asmatu du. 20 lagun ibili gara ikastaro horietan.
Hala ere, Durangaldeko hiru lagun bakarrik egon gara aipatutako ikastaroan. Izan ere, Sestaorainoko joan-etorriak egin behar ziren. Beharbada, horrelako ikastaroak Bizkaiko eskualde gehiagotara gerturatzea aurrerapauso bat izango litzateke. Esaterako, Durangon antolatuz gero, seguru nago eskualdeko jende dezentek parte hartuko lukeela.
* Erredakzioan itzulia