Hamahiru gehi hamahiru

Hamahiru talde Hirugarren Mailan, beste hamahiru Euskal Ligan eta multzo bi Bigarren Erregionalean (iaz baino bat gutxiago). Ematen du Bizkaiko areto futbolaren zabalkundeak goia jo duela, eta gero eta talde gutxiago sortzen dela. Durangaldean ez zaigu egoera hori arrotza egiten, eta orain urtebete Abadiñoko Lagun desagertu ostean, aurten Dantzari taldeak jarraitu dio. Testuinguru horretan eskertzekoa da Elorrion emakumeen talde bat sortu izana, Sasikoaren maila berean arituko dena. Mallabian kadeteetako taldea gazte mailako talde batek ordezkatu du.


Kezkagarriena da ikustea taldeak ez direla apenas gazteagotzen, eta batez besteko adina gorantz doala urtetik urtera. Filialek talde nagusiko beteranoen etorkizuneko errelebo izan beharko lukete, baina, askotan, talde nagusiko jokalariak baino jokalari nagusiagoek osatzen dituzte filialak.

Zein dira arrazoiak? Biztanleriaren zahartze orokorrak izango du zerikusirik, baita talde federatu batean jokatzeak duen kostu altuak ere; horiekin batera, babesle falta, hamaikako futbola erakargarriago ikusten dela… Areto futboleko elite mailan Euskadiko klub inportanterik ez izateak ez dakit eraginik izango duen.
Hirugarren Mailan talde bi ditugu; Euskal Ligan lau; erregionaletan bederatzi, gazte mailan bi, eta emakumeetan beste bi. Beraz, Euskadiko areto futbolari dagokionez, Durangaldea buruan dago. Baina hori itsuen herrian begibakarra izatearen parekoa da.

*Erredakzioan itzulia

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!