HASIERA BESTE NONBAIT JARRI
Hitz egin dezagun maitasunaz eta ez
gatzik gabeko liskarrez.
Hitz egin dezagun egiez eta ez
alferrikako esamesez.
Hitz egin dezagun bihotzaren
handitasunez eta ez aho txikiz
Hitz egin dezagun pozaz eta ez
etsipenaz.
Hitz egin diezaiogun aurrez beldurrari,
ezerk ez gaitzan gelditu.
Hitz egin dezagun askatasunaz,
zalantzarik egin gabe,
eraitsi ditzagun bereizteko jaso ziren
harresiak.
Ez gaitezen saiatu iragana aletzen
hitz egin dezagun orainaz.
Hitz egin dezagun gutaz, zein ditugun
ametsak, zer nahi dugun, zerk
motibatzen gaituen, zer gaituen
arduratzen.
Hitz egin dezagun rockaz, jazzaz
eta operaz, dela mi klabean, fan
edo solen, zer axola ote dio, hori
da gutxienekoa, baina hitz egin
dezagun.
Hitz egin dezagun maitasunaz,
debeka dezaten baino lehen.
Egilea Koro Benito
Vagabunda liburuan argitaratua.
Iñigo Aranbarrik itzulia.
Durangon, 2019ko maiatzaren 10ean