Errotzea

Erabiltzailearen aurpegia
Errotzea
Koro Benitok, berak sortu eta Iñigo Aranbarrik itzulitako "Errotzea" poema irakurri zuen Hitzez eta Ahotsez V. Jendaurreko irakurraldi girotuan Durangoko Plateruena antzokian

ERROTZEA


Berriro galduko dira nire begiak

Salamancako ilunabar gorrikaretan,

urtero itzultzen naiz izan ere,

nire arbasoen erroetara.


Ortozik zapaltzen dut lur idor, bero

eta zintzoa; musu ematen diot nire gorputza

ezagutzen duen haritzari; aitite-amamak

gari jotzen ibilitako larrainean galtzen naiz,

eta halaxe asetzen dut herrimina,

ez dadin inor ohartu egun gutxi direla

hainbesteko irrika gozotzeko.


Itzuli egiten naiz, beti itzultzen naiz

gure aitak beso latzez jasotako

harrizko hormen kontra igurtzitzera,

gure amak prestaturiko lapikokoari

omen egitera, kortako mailan esertzera,

gauza xehen ederrak osorik har nazan.


Eta begiak betetzen zaizkit, auskalo

zenbatgarrenez, zeru txatalari begira,

hain urdin eta garbi egunez,

hain izarbetea gauez,

keinuka dabiltzan ehunka musu argi.


Itzuli egiten naiz, beti itzultzen naiz

nire jatorria ez ahazteko,

nondik natorren ospatzeko.

    
     Sortzailea: Koro Benito
     Itzultzailea: Iñigo Aranbarri