Gure lurra, betiko lurra

Erabiltzailearen aurpegia
Jose Antonio Azkorbebeitia GURE LURRA, BETIKO LURRA izeneko bere sorkuntza lana irakurtzen Hitzez eta Ahotsez V. Jendaurreko Irakurraldian, Maiatzaren 4an. Plateruena Antzokian.

 

GURE LURRA, BETIKO LURRA

 

 

LURRA, gai erraza bezain GOGORRA aurtengoa. Honek aukera asko ematen du besteak beste emateko EGURRA.

Gure lur emankor honek besteren artean ematen du URRA. Urra, urria duenean ere, beti geratzen zaio urretxari urretx makila egiteko aukera.

Nork ez du ezagutzen “urretx makila”? Artzainen, ibiltarien eta perretxiko bilatzaileen lanabesa. Baten batek akuiluak egiteko ere erabiltzen dela ez badaki, jakin beza. Abere gixajoa!

URRA kendu, urretx makilak egin eta ondoren gelditzen den egurra ere ez da txarra pizteko TXONDORRA. Bertatik ateratzen den ikatza ere ez da edonolako ALTXORRA.

Altxorra ere bada gure lur emankorretan erne eta hazi den haritzaren fruitua: EZKURRA.

Ez izan aurtengo negua bezalako EZKORRA, abisatuta bait zegoen: “ezkur urte ELUR urte” zela.

Nondik atera dozue ba negu hau izango zela LABURRA?.

LURRA, gizakiak nahi badu beti izango da aberatsa eta EMANKORRA.

Bijilatu dezagun hango eta hemengo LAPURRA. Ohozten badigute akabo gure ALTXORRA.

Bijilatu dezagun gure lur barrenak zulatuz eta hutsituz, tunelak eta harrobiak eraikinez urrea bailitzan aberastasuna saltzen digun LAPURRA. Lapurra izateaz gain KOLDARRA.

GURE LURRA ezin da izan: Apurra, laburra, koldarra eta lapurra, baizik eta URRA, EZKURRA, TXONDORRA, ELURRA, EMANKORRA eta ALTXORRA.

 

Durangaldeko albiste garrantzitsuak edo azken ordukoak whatsapp bitartez jaso gura dituzu? Bidali ALTA 688 635 041 telefono zenbakira.