Ez zan erraza lotura barri hori isilpean iraunaraztea. Eta, bikote barriak zera erabaki eban: arerioa finkatu, eta erasoari ekin behar jakon, publikoaren arreta beste inora bideratzeko. Horretara sortu ziren liberatuen soldatei buruzko polemika antzuak (batez be norberak proposatutako zenbatekoa eta kobratutakoa ez datozenean bat), mozio zentzunbakoak, prentsaurreko demagokikoak etab. Aitzakiak aitzaki, eta, denborak aurrera egin ahala, edozein bikoteri gertatzen jakon moduan, bi talde politiko horiek euren harremana ofizial bihurtu nahi izan dabe, eta horra hor Amankomunazgoko akordioa. Are gehiago, azken albisteen arabera, bien arteko harremanak errotu eta gure Udalerritik haratago heldu izan dira. Argazki eta guzti. Zorionak, bikote!
Baziren behin Udal Hauteskunde batzuk. Udabarriaren bihotzean bozketa burutu, eta emaitzaren arabera eratu egin zan gure Uriko Udalbatza barria. Bertan, EAJ, EHBildu, Herriaren Eskubidea, PSE eta PP batu ziren. Hasi ziren Udal Gobernu barria eratzeko negoziazioak, eta, egun batzuen buruan, EAJk eta PSEk alkarren arteko akordioa lortu eben, adostasun hori jendaurrean adieraziz. Eta betikoek betiko kritikak jaurti ebezan. Alabaina, ez zan izan “maitemintze politikoaren” adierazpen bakarra. Sortua zan, loratua, beste amodio politiko bat.
ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.
EGIN ZAITEZ KIDE!
EGIN ZAITEZ KIDE!