Emakumeen osasun biologikoa ikusezina da zientziaren aspektu gehienetan, eta ondorioz, osasun-arretan hauen aferak ere hala mantentzen dira. Ze, gaitzen sintomatologia tipikoa gizonen arabera osatu izan da. Inoiz entzungo zenuten bihotzekoaren sintomak inespezifikoagoak izan ohi direla emakumeengan. Eta pentsatu arren bihotzekoak eta antzekoak gizonaren osasunari lotuta doazela, egiazki emakume gehiago dira gaitz kardiobaskularren ondorioz hiltzen direnak.
Emakumeok urte gehiago bizi gara, baina urte horiek min eta gaitz kroniko gehiagorekin bizi ditugu. Eta emakume bat doanean medikuarenera min bat edo neke bat daukalako, sintoma hori oso modu errazean esleitzen zaio depresio edo antsietate bati, fibromialgiari… eta psikofarmakoen bidez artatzen dira ustez gaitz mental diruditenak, ondoezak kronifikatuz. Hobeto diagnostikatu beharrean, bizi prozesuak medikalizatzen direla esanaz amaitu zuen.
Gizonaren mundu benetan errealean bizi gara, eta asko dago egiteko.