7. Batzarraren helburua da “Ikastolen mugimendua osatzen dugun Ikastolok eta batzen gaituen Ikastolen Elkarteak, datozen urteetarako ditugun erronken inguruko hausnarketa partekatua egitea, eta ipar izango ditugun helburuak adostea”. Gaurtik begiratuta, biharko Ikastolak irudikatzeko unea da. Oinarrizko proposamen bat badago, orain, Ikastolok aztertu eta gure proposamenekin hobetuko duguna.
Elorrioko Txintxirri Ikastolan elkartu ginen atzo dozenaka profesional, guraso eta bazkide kolaboratzaileak, lehen eta oraingoak, Ikastolen Elkarteak sortutako oinarrizko proposamena landu, aztertu eta hobetzeko bidean hasierako urratsak ematen hasteko. Erronka garrantzitsua daukagu, eta horretan ezinbestekoa da Ikastola komunitatea osatzen dugunon parte-hartzea. Hurrengo zita, apirilaren 25ean izango dugu.
Denon artean eraikitzen dugulako Ikastola!
#guikastola
#Ikastolen7Batzarra
#biharkoikastolak