Grezia erdialdeko nekazari-giroko herri txiki eta bakartu bat da Elias, eta hiltzeko zorian dago. Baina bi lehengusu burutsu, Christos eta Alecco, herriko amonekin elkartu dira tomateak prestatzeko. Haiek dakitenarekin, eta Wagnerren musikaren laguntzarekin, egia bihurtu nahi dute beren ametsa: tomate ekologikoaren poteak saltzea mundu guztira.
Nekazaritza industrialari aurre eginez, eta ehunka urtetako haziekin tomate ekologikoak haziz, metodo ez oso ortodoxoak erabiliz eginiko tomate-poteak eta kontserbak saltzen dituzte. Produktu ekologikoen esportazioa lehia handiko merkatua da, baina, ustekabean, arrakasta lortu dute: herriak ilusioa berreskuratu du eta tokiko ekonomia hazi egin da.
Tomate wagnerzaleei esker, azken urteetan Greziak bizi duen krisia gainditu ahal izan dute Eliasko biztanleek. Baina ez da erraza aurrera ateratzea, eta bizitza poteko tomatea bezain gazi-gozoa izan daiteke. Istorio polit bat, giza harremanek zer indar duten eta krisi-garaietan berritzeak zer garrantzi duen erakusten duena.
:: Zuzendaria
Marianna Economouk antropologia, fotokazetaritza eta zinema-produkzioa ikasi zituen Londresen. 2000tik, dokumental eta film independenteak zuzendu eta produzitu ditu, produkzio greziarrekoak, bai eta Europako telebista batzuekin koprodukzioak egin ere (hala nola VVC, ARTE eta YLE). Sariak jaso ditu hauengatik: The School, My Place in the Dance, Please Listen to Me, Bells, Threads And Miracles, Twelve Neighbours, Food for Love eta The Longest Run, zeina Europako Zinema Sarietarako izendatu baitzuten 2016an. The Longes Runek VER-DI saria ere irabazi zuen Dok Leipzig-en.
:: Sariak eta jaialdiak
Greziako Film Onenaren Fipresci Saria, Thessaloniki International Film Festival – Grezia, 2019
Berlinale - Alemania, 2019
Visions du Réel Film Festival – Suitza, 2019
Dok.Fest Munich– Alemania, 2019
CinéDOC Tbilisi – Georgia, 2019
Docaviv – Israel, 2019
Sydney IFF – Australia, 2019
Sarajevo IFF – Bosnia, 2019
DocsBarcelona – Espainia, 2019
:: Fitxa teknikoa
Zuzendaritza: Marianna Economou
Ekoizpena: Spiros Mavrogenis, Rea Apostolides, Yuri Averof
Argazkia:Argyris Tsepelikas, Marianna Economou, Dimitris Kordelas
Edizioa: Evgenia Papageorgiou
Soinu-diseinua: Pavlos Christoforakos
Produkzio-etxea: Stefi & Linx Productions, Anemon Productions
Koprodukzioa: Greek Film Centre
Banaketa: DocsBarcelona Distribution