Etxeak bizitzaz betetzeko urratsa

Erabiltzailearen aurpegia Dani Maeztu Perez (EH Bildu) 2018ko urt. 20a, 08:30

Etxebizitzak eraikitzen lurzoru berria okupatzen jarraitu beharrean, gaur egun hutsik daudenak pertsonaz betetzea hobe litzateke. Gogoeta hau edonork babestuko luke, are gehiago, udalean alderdi gehienek noizbat bota izan dute antzerako gogoeta.

Hori bai, gogoeta edo desio hori praktikara eramaterako orduan, denak oztopoak izan dira. Zelan jarriko diegu gain zerga bat hutsik dauden etxebizitzei? Zelan definitu dezakegu juridikoki zer dan hutsik dagoen etxebizitza? Eta antzerako galdera existentzialak egiten zizkiguten.

Kalean daukagun begiari kasu eginez, proposamen zehatz bati begira jarri dugu udal barruan daukaguna. Era horretan, hurrengo 6 hilabetetan garatuko den enplegu planean 6 pertsona egongo dira, Durangon hutsik dauden etxebizitzen errolda zehatza egiteko. Biztanleen errolda, horniduren kontsumoak eta ikuskaritzak erabilita, errolda zehatza osatuko da. Beraz, 6 hilabete barru aitzakien garaia atzean geratuko da eta benetako neurri zehatzak hartzeko denbora hasiko da, guk argi daukagu eraikita eta hutsik dauden etxebizitzak biztanleekin betetzea etxebizitza politika eraginkorrena dela, ikus dezagun gainerakoek ere hitzetik ekintzetara pasatzeko prest dauden.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!