Haurtzaroa giza garapenaren urrezko aroa da; bizitzak aldi hori ematen digu geure burua eraikitzeko eta euskarri izanen ditugun oinarriez geure burua hornitzeko; urte jori horietan bertuteak, dohainak edo gaitasunak loratzen edo zapuzten ahal dira. Haurtzaroa zaintzea hauxe da: babestea haurrek senez dituzten jakinduria eta hazi-nahia, eta erabat umotzera eta haztera eramaten dituen berezko bizi-bulkada.
Ikastaroaren helburua da lehen haurtzaroa zaintzeko ardura duten helduak kontzientziatu eta sentsibilizatzea, barneratu dezaten erantzukizun handia dela haurrei lagun-egitea, heldutasuneko nortasuna eratzen duten etapen artean hain garrantzitsua den honetan. Beste xede bat da erakustea egiteko horrek aukera handia ematen digula, helduak garen aldetik, pertsona gisa umotu eta hazteko, eta gizartea aldatzeko, epe luzean. Ikastaroa saiatuko da haurren prozesuen atzean ezkutatzen diren zentzua eta funtzionaltasuna argitzen, eta miatzen zer harreman dagoen haurtzaroko bizipenen eta helduaroko osasun edo patologiaren artean. Umeei emandako arretaren kalitatea ebaluatzeko gakoak emanen ditugu, eta azpimarratuko dugu oso garrantzitsua dela haurrei aukera ematea mendekotasunaren eta ahozkotasunaren esperientzia sakona bizi dezaten, benetako autonomiaren eta indarraren bermea izan dadin, nitasun ororen oinarria baita.
Datak:
Martxoak 3, larunbata, 10:00-14:00 eta 16:00-20:00
Martxoak 4, igandea, 10:00-14:00
(Guztira 12 ordu)
Prezioa: 120€
Non: Umerri Eskola Aktiboan, Elizondo plaza, 2. Berriz.
Izena emateko idatzi ikastaroakumerri@gmail.com helbidera.