Sarritan, emaitzei begiratzen deutsegu, baina gitxitan gogoratzen gara hasierako pausoa emon ebenakaz. Ez ziran etorkizunaren jabe; etorkizuna irudikatu eta eraikitzeko konpromisoa hartu eben.
Kate baten katebegiak lez, aurrekoek ekin eben bidea jaso eta hurrengoei transmititzen deutsegu. Ez gara lehenengoak, ezta azkenekoak ere. Etorri, eutsi eta lekukoa emoten jakin behar dogu. Kateak eten ez daitezan, belaunaldi bakoitzak bere katebegia gehitu behar deutso.
Datozen garaiak ez dira errazagoak izango. Horregaitik, herrigintzako hauspo luzeko egitasmoak inoiz baino beharrezkoagoak dira. Izan bitez gaurko lerrook aitzindarien gorazarrea, garai bakotzeko katebegien aintzatespena eta datozen beste hogeita bost urteetarako hauspoa.