Gure proposamenak Bereizmen handiko osasun-zentro bat aurreikusten du (Gernikakoaren modukoa), ekipamendu estrategiko gisa. 45.000 m2-ko parke publiko handi bat ere, 21.755 m2ko berdeguneak eta kirol- eta aisialdi-instalazioak dituena eta herritarrekin batera diseinatuko litzatekeena partaidetza-prozesu batean. Horretaz gain, oinezkoentzako eta bizikletentzako ibilbideak aurreikusten ditu Durangoko Maila Berdearen ardatzarekiko jarraitutasuna lortzeko. Proiektuan babes ofizialeko 111 etxebizitza (6 solairuko eraikin bat Durangoko udalarentzat) eta 443 etxebizitza libre (10 solairu eta atikodun 5 eraikin) ere jasotzen ditu proiektuak, egungo eta etorkizuneko etxebizitza-beharrei erantzuteko.
Proiektu hau bideragarria da, Durangoko ondareari eusten dio eta urbanizazio-gastu guztiak Eusko Jaurlaritzak ordainduko lituzke. Eta horretaz guztiaz gain, berehalakoa izan daiteke, proiektua errealitate bihurtzeko 10 urte irabazten ditugularik. Egin dezagun aurrera!