Eta zuk… ikusten duzu?

Erabiltzailearen aurpegia Mireia Elkoroiribe Zenikaonandia 2021ko aza. 26a, 08:30

Emakundek Azaroaren 25erako, Indarkeria Matxistaren Kontrako Nazioarteko Egunerako diseinatu duen kanpainak “Eta zuk… ikusten duzu? Adi dagoen gizarte batek soilik detektatzen du indarkeria ezkutuena” lema du. Kanpaina honek 55 eta 79 urte bitarteko emakumeen testigantza hunkigarriak biltzen ditu, gizarteak egoera latz horiek normaltasun osoz onartzen zituen garaian izandako esperientziak kontatzen dituztenak.

Gizarte gisa aurrera egin dugula sinetsi nahi dugu, baina indarkeria matxistaren eta sexu-eraso askoren ondorioz emakumeen hilketa izugarriak egiten jarraitzen da. Arazo sozial larri horretaz jabetu beharko genuke eta ikusi beharko genuke, baina benetan ikusten dugu?

Horregatik, Emakunderen kanpainak gizarte gisa guztioi eskatzen digu adi egoteko eguneroko indarkeria-egoeren aurrean, kasu askotan egoera normalizatuen aurrean, askotan konturatu ere egiten ez garen mikromatxismoen aurrean.

Lanean jarraitu behar dugu gure errealitateari gertatzen zaionari adi egoteko eta hurrengo belaunaldiei transmititzeko gai izateko gizarte gisa hobetzeko.

Eta errepikakorra badirudi ere, esaten jarraituko dugu edozein adineko emakumek Ez esaten duenenean Ezetz dala.

ANBOTOKIDE izatea gure komunitatearen parte izatea da, euskararen erabilera sustatzea eta herrigintzaren aktibazioan pausoak ematea.


EGIN ZAITEZ KIDE!