Hori bai, zer da erabaki beharko duzuna? Proiektuen arteko hautaketa izango da? Ez, ba. Galdeketak bi aukera eskainiko dizkizu. Indarrean dagoen proiektua bertan behera uztea ala berau babestea. BAI ala EZ erabaki ahal izango duzu. Bai aukeratuz gero, oraingo proiektua historiara pasatuko litzateke eta herritar guztion artean bideragarria den beste bat sortzea izango da hurrengo pausoa. Ezezkoaren alde eginez gero, ezer ez litzateke aldatuko eta gauzek bere hortan jarraituko lukete.
Norberak hartu beharreko erabakia da. Ondo pentsatzeko modukoa, Durangoren etorkizuna zeharo baldintzatuko duen proiektua baita. Edozelan ere, oso garrantzitsua da parte-hartzea, Landakora joan eta botoa ematea. Behin izango hauteskundeez haratago bozkatzeko aukera, erabili beharko dugu ba. Egin dezagun handiago berez handia izango den eguna.